This post is also available in: Macedonian French Spanish Russian English Serbian Croatian Bosnian

Lutja e dhjetë e trupit tim

Ja vendi, bukuria e zënë rob,
vdekja përrallore e kaltër dhe e bardhë,
e kaltër dhe e bardhë në sytë e erës,
ja trupi bredharak dhe i prapë.

Ja vendi, bukuria e ndrojtur,
përballë  gjithë të tashmeve dhe gjithë kohërave të lashta,
përballë trazimit tënd të errët e të moçëm –
atyre përpjetave të papërshkueshme.

Ti po rri këtu fshehurazi dhe pa bërë zë
mbi këtë vorbull të panjohur e të shterur.
Bëju pra pranverë gurgulluese dhe shëruese
sikur të ishe për të edhe sundimtare edhe banore.

Dhe pa mos pyetur me kërshëri parake
në është rob besnik i të vërtetave,
hyr heshturazi dhe pa u vënë re,
hyr me mençurinë e të gjitha viteve.

Aco Shopov, Mosqenësia, 1963
Përkthyer nga Saranda Mehmedi, 2021