Ох, појми, појми, колку многу патам

(мај, 1940)

Ох, појми… појми. .. колку многу патам,
Колку душава за тебе ми чемрее.
Зарем не ќе умееш да ме разбереш?
Ох, појми, појми колку патам јас!

За еден миг на твојата среќа
В час би го дал својот горчлив живот,
Та бил јас црвен или пак лиот.
Ох, појми… појми колку патам јас!

Со песните мои додека те златам
Долго во ноќта пролетна, красна,
Ја сонам твојата лика јасна.
Ох, појми, појми колку многу патам!

И дома истоштен штом се вратам
Дур’ од ѕидој мразни ме среќава влага,
Побожно ги шептам тие зборој драга:
− Ох, појми… појми колку многу патам!

Ацо Шопов
Препев од српохрватски Владимир Шопов.
Песната е објавена во текстот „Кон најраното поетско творештво на Ацо Шопов“,
во Дело 74, год. XII, бр. 5−6, 1985, стр. 438-454.
Прочитајте други Необјавени песни од Ацо Шопов