Шеесетти години на 20. век

Хронологија

1960

• 7 февруари: На годишното собрание на Друштвото на писателите на Македонија, Шопов е повторно избран за претседател. (Извор: Delo, Ljubljana, 08.02.1960, str. 1)
• 24 март:  Именуван за претседател на комисијата за преглед на филмови (Извор: Службен весник на НРМ, Четврток, 24 март 1960 Скопје Број 9 Год. XVI)
• Ацо Шопов ги објавува песните „Старо купувам” и „Романтично бегство“, во Современост, X, 5 (Небиднина, 1963).
• Хамлет принцот дански од Вилијам Шекспир излегува на македонски јазик во препев на Ацо Шопов. Ја добива наградата “11 Октомври”. Книгата ќе биде повторно издадена во 1966, 1971 и 1981.
• Претседател на Сојузот на книжевните преведувачите на Југославија, до 1963.
• 1 јуни: се раѓа ќерката Јасмина, во Скопје.

1961

• 15 март: дипломира на филозофскиот факултет во Скопје, отсек чиста филозофија.
  Април: Јури Гагарин ја освојува вселената. Тој настан ја инспирира „Осма молитва на моето тело“.
• Мај−декември: втор престој во Париз.
• Се раѓа идејата за Струшките вечери на поезијата (СВП), по повод одбележувањето на стогодишнината од Зборникот на браќата Миладиновци. Ацо Шопов е еден од основоположниците и прв претседател на советот на фестивалот во 1962 година.
• октомври: излегува од печат малата по обем, но голема по содржина, книшка под наслов Дванаестмината од сончевата колона на младоста, Скопје: Централен комитет на народната младина на Македонија
• 27 ноември: Орден на Републиката со сребрен венец  (бр. 122).

1962

• Ацо Шопов учествува на првите поетски средби во Сараево кои по две години ќе праснат во традиционалните Сараевски денови на поезијата, на денот на пролетта, 21 март, а кои се иницијатива на Изет Сарајлиќ и Хусеин Тахмашиќ. Покрај Шопов, на тие први средби настауваат: Мак Диздар (БиХ), Густав Крклец (Хрватска), Скендер Куленовиќ (БиХ), Стеван Раичковиќ (Србија), Изет Сарајлиќ (БиХ) и Хусеин Тахмишчиќ (БиХ),  Хамза Хумо (БиХ) и Добриша Цесариќ (Хрватска).
• Мај: ги објавува Осмата, Деветтата, Десеттата и Последната молитва на моето тело, во Современост XII, 5.
• Претседател на Друштвото на писателите на Македонија и прв претседател на Фестивалскиот одбор на СВП.

1963

• 18 јануари: учествува во дебатата на Друштвото на писателите на тема: „Литературната ситуација денес”, во која посебно се осврнува на прашањето „Што е тоа општествено битие и каква е таа литературната свест што треба да го одразува?”. Дебатата е објавена во Современост, XIII, бр. 2-3 (февруари-март).
• април: Ги објавува песните „Раѓање на зборот“, „Има долу една крв“, „Очај пред тврдината“, „Небиднина” и „Песната и годините” (Небиднина), во Современост, XIII, 4.
• 13 јуни: Учествува на одбележувањето на 20-годишнината од смтртта на Кочо Рацин, настан што го одбележува и почетокот на годишната манифестација Рацинови средби. Неговата беседа за Рацин е достапна тука.
• Јуни: од печат излегува Небиднина, непосредно пред скопскиот земјотрес. Оваа книга, која ѝ дава посебно обележје на македонската современа поезија, ќе доживее четири изданија, а голем дел од песните содржани во неа ќе бидат преземени во сите понатамошни избори од поезијата на Ацо Шопов, како на македонски, така и на други јазици.
• Песни, избор од поезијата на Ацо Шопов.
• Ацо Шопов (за лириката) и Тодор Димитровски (за прозата) објавуваат Избор од творештвото на хрватскиот писател Мирослав Крлежа.
• 26 јули: Скопски земјотрес. Оваа трагедија директно инспирира повеќе песни на Шопов, меѓу кои „Грозомор“, „Тажачка од онаа страна на животот” и „Август“, како и пекстот „Во пет и седумнаесет” објавен во Современост, XIII, 7−8.
• Септември: за првпат се доделува наградата „Његош“,  највисокото југословенско признание за литература. Ацо Шопов е член на жири комисијата, со која претседава Велибор Глигориќ. Добитник е Михаило Лалиќ, за романот Лелејска гора.
• 28 декември: Управниот одбор на Фондот „11 Октомври“ донесува одлука да ја додели наградата „11 Октомври“ за шест дела од областа на науката и уметноста создадени помеѓу 1 август 1962 и 30 јуни 1963 година. Меѓу наградените е Небиднина од Ацо Шопов.

1964

• Ја објавува песната „Грозомор” (Гледач во пепелта, 1970), во Современост, XIV, 10.
• Ромео и Џулиета. Хамлет. Отело, во препев на Ацо Шопов и Блаже Конески.
• Скерлићева споменица, со избор од поезијата на Ацо Шопов, Белград.
• Ветер приносить погожие дни (Ветрот носи убаво време), избор од поезијата на Ацо Шопов на руски, во препев на Јури Левитански.
• Örök várakozó (Оној што вечно чека), избор од поезијата на Ацо Шопов на унгарски јазик, во препев на Фехер Ференц, Нови Сад.
• 16 и 17 ноември: Во својство на претседател на Комисијата за преглед и одобрување за јавно прикажување на филмови при Републичкиот секретаријат за култура на СР Македонија, ги прегледува, во кино Вардар,  35-те пристигнати филмови за Првиот фестивал на аметерски филм во земјата. Сите добиваат дозвола за прикажување.

1965

• Јуни – во Современост, XV, 6, ги објавува песните „Август“, „Златен круг на времето” и „Тажачка од онаа страна на животот“.
• Главен уредник на списанието Современост.
• Поезија од босанскиот поет Изет Сарајлиќ, во препев на Ацо Шопов.
• Избор од поезијата на Јован Јовановиќ-Змај, во препев на Ацо Шопов.
• Морето и боите, од Григор Витез, во препев на Ацо Шопов и Глигор Поповски. Илустрации од Васил Куноски.

1966

• Раѓање на зборот, избор од поезијата на Ацо Шопов што содржи песни од претходните збирки на Шопов, а особено од Небиднина, но и десет необјавени песни: „Езеро”, „Езеро крај манастирот”, „Ноќ над езерото крај манастирот”, „Повлекување на огнот”, „Ноќта на огнот”, „Љубовта на огнот, „Август”,„Грозомор”, „Златен круг на времето” и „Тажачка од онаа страна на животот”.
• Вечер над градот, од хрватскиот поет Драгутин Тадијановиќ, во препев на Ацо Шопов.
• Предвечерје, избор од поезијата на Ацо Шопов, во српскохрватски препев на Сретен Перовиќ, Титоград.
• 19 октомври: во Остен излегува „Јус-критичар“, прва од серијата 22 сатирични песни објавени во збирката Јус-универзум, во 1968 година.
• Претседател на жири комисијата на Мартовскиот фестивал на краткометражен филм во Белград. Наградата ја добива филмот Дванаесетте од Папрадник, од Димитрие Османли.
• Претседател на Одборот за спроведување на акцијата “1967, Година на книгата“.

1967

• Песни, избор од поезијата на Ацо Шопов.
• Ја пишува „Долго доаѓање на огнот“, пристапна песна за изборот во Македонската академија на науките и уметностите (МАНУ).
• 18 август, Ацо Шопов станува еден од четиринаесетте членови оснивачи на МАНУ. Тој е најмладиот академик.
• Октомври: главен уредник на сатиричното списание Остен, до октомври 1968.
• 7 ноември: присуствува на парадата на Црвениот плошдад во Москва, по повод 50-годишнината од Октомвриската револуција.

1968

• Одговорен уредник на сатиричното списание Остен.
• 7 март – избран за дописен член на Српската академија на науките и уметностите,  Одделение за литература и јазик (рецензија на Душан Матиќ и Десанка Максимовиќ).
• март – ја објавува за првпат песната „Долго доаѓање на огнот” во Современост, бр. 3.
• Септември: Јус-универзум, прва збирка сатирична поезија во Македонија.
• Избор од поезијата на Ацо Шопов. Автор на изборот и на предговотот, Георги Старделов.
• 60 сонети од Вилијам Шекспир, во препев на Ацо Шопов.
• Претседател на жири комисијата на Пулскиот филмски фестивал.
• Претседател на Сојузот на писателите на Југославија, од 1968 до 1970.

1969

• Златен круг на времето, книга со избор од поезијата на Ацо Шопов, во која за првпат е објавена песната „Долго доаѓање на огнот“. Првото издание е со предговор на Миодраг Друговац (“Ацо Шопов или уметник на песната“) а второто, објавено истата година, со преговор на Димитар Митрев (“Ацо Шопов или поезија со трајни вредности“).
• 1 март, именуван за главен и одговорен уредник на издавачката куќа Македонска книга.
• 22 април, учествува на Меѓународниот митинг на поезијата организиран на Летната сцена на Тврдината Кастел во Бања Лука, заедно со Славко Михалић (Хрватска), Цирил Злобец (Словенија) и Мак Диздар (Босна и Херцеговина).
• 25 мај: ја пишува роденденската Телеграма до Тито, од македонскиот народ, 25 години по ослободувањето.
• Јуни: Учествува на Дванаесеттите Змаеви дечји игри во Нови Сад. Неговата беседа е објавена под наслов „Dolazim za juga” во загребското списание Umjetnost i dijete, Vol. 1, br. 3 (1969), str. 23-24.
• 22 јули: Орден на трудот со црвено знаме (бр. 123)
• 2 август: Ја отвара групната изложба по повод 25-годишнината од првото заседание на АСНОМ (беседа).
• Претседател на Советот на Струшките вечери на поезијата. Разидување со Славко Јаневски (дефинитивно по СВП).
• Член на југословенскиот одбор за избор на план и изградба на мавзолеот на Петар Петровиќ Његош, на Ловќен, во Црна Гора.