Го барам својот глас

Во стихот „што ‘рти по нивјето со заби на семето.“, Шопов веројатно алудира на грчкиот мит за Кадмо, кој го убил змејот и ги посеал неговите заби во земјата, од кои потоа никнале „посеани“ жестоки вооружени луѓе. Кадмо успеал да ги натера да се нападнат меѓусебно сè додека не останале само петмина живи. Со нив тој го основал градот Теба. Постојат две причини поради кои Шопов можеби особено се заинтересирал за митот на Кадмо: прво, затоа што на Кадмо му се припишува пронаоѓањето на азбуката, и второ, затоа што се вели дека во подоцнежните години патувал до Илирија, каде што го основал градот Лихнидос, денешниот Охрид.— Роули Грау и Кристина Е. Крамер, „Белешки за песните“, во The Long Coming of the Fire (Долго доаѓање на огнот), 2023