Aко ти недостасува светлина

Наполно свесен за својата одговорност како македонски модерен поет, Шопов создава богати и сложени песни на еден долго потиснуван јазик, за еден народ чијшто национален идентитет беше дури неодамна официјално признат. Дел од оваа свест се открива и во песната „Ако ти недостасува светлина“.

Прочитана вон контекст, таа личи на убава љубовна песна во која поетот ветува дека ќе стори сè за да ја утеши и поткрепи љубената. Но, прочитана во контекст на Гледач во пепелта – веднаш по „Тажачка од онаа страна на животот“ и опкружена со други песни поттикнати од сликите на разурнатото Скопје – во оваа песна прозвучува љубовта на поетот кон својот ожалостен народ, кому тој му ветува дека ќе ги употреби сите свои сили за да го смири неговиот неизмерен бол. Оваа љубов е взаемна.“ – Роли Грау и Кристина Е. Крамер, во „Тука е тој оган: Долгото патување на Ацо Шопов“