This post is also available in: French Spanish German Russian English Serbian Croatian Bosnian Albanian Bulgarian Italian
Телото мое те моли: Телото мое те моли: Пронајди таков вистински збор Пронајди збор на раѓање, на лелекање, Ацо Шопов, Небиднина, 1963 „Значи, се бара вистинскиот збор, се бара предокот на песната, нејзината искра, нејзиниот услов, меѓутоа, тоа не е сето она што се бара, зашто кога само тоа би се барало песната во крајното исходиште на нештата би ја изгубила својата примарна смисла.” – Радомир Ивановиќ, „Енергијата на поетскиот говор”, Нова Македонија, на 21.09.1994 год.Молитва за еден обичен но уште непронајден збор
Пронајди збор што личи на обично дрво
што личи на дланки јагленосани и прародителски голи,
што е како чедност во секое молење прво.
За таков збор телото мое те моли.
Пронајди збор од кој – штом со крик ќе се рече –
несвесно крвта почнува да боли,
крвта што бара корито да тече.
За таков збор телото мое те моли.
налик на сите мирни заробеници
на оној ветар, оној развигор
што ги буди срните во нашите зеници.
Пронајди таков вистински збор.
пронајди таков збор. И овој храм
затворен во својата древност и голем од чекање
ќе ти се отвори покорно и сам.
Пронајди збор на раѓање, на лелекање.
Песната за првпат е објавена во списанието Современост, VIII, бр. 9, септември 1958, стр. 753.
На српско-хрватски е објавена во Антологијата на повоената македонска поезија на Димитар Митрев, во 1960 год.
Слушнете ја песната во изведба на Софија Гогова-Врчаковска Слушнете ја песната во изведба на Славко Нинов
Душко Наневски: Толкување на циклусот „Молитви на моето тело”
Роман Кисјов: Цртеж инспириран од циклусот „Молитви на моето тело”